wWw.Dj-MasT3R.Tk Tv Shqipetare,Mp3 Shqip,Chat Shqip.Etj

Grupet e repit, përplasen me armë!

Lixi — Wed, 26 May 2010 13:31:23 GMT

Far west”, mund të quhet përplasja me armë mes dy grupeve, njërit të quajtur OTR dhe një tjetri rival me ta TBA.

Ngjarja në kryeqytet në sheshin pranë Pallatit të Kongreseve, përpara nisjes së një fetivali të organizuar nga një kompani private, ndërsa plumbat, u drejtuan për nga pjesëtarët e njërit prej grupeve rivale, nuk u hezitua që të drejtohen edhe për nga uniformat e policisë.

Këta të fundit madje shkëmbyen zjarr me ta. Pas pushimit të zjarrit, policia mundi të arrestonte në flagrancë njërin prej të dyshuarve të ngjarjes, Jetnis Dollapajn, 24 vjeç, banues në Tiranë në rrugën "Bajram Curri”, ndërsa bllokoi një armë automatike të një modeli të vjetër.Ndërkaq veç tij, policia shoqëroi në ambientet e saj afërsisht 10 persona, mes të cilëve 5 pjesëtarë të grupit OTR, dhe 5 të tjerë të grupit TBA. Vokalist dhe drejtues i grupi OTR, është Noyzi, apo siç quhet ndryshe Rigels Rajku, ndërsa i grupit TBA, është Arkimed Lusha, i cili në emrin e artit thirret Stresi.

Ndërkaq, në vendin e ngjarjes, policia ka bllokuar veç armës së Jetnis Dollapajt edhe sende të tjera të forta, si shkopa bejzbolli, armë të ftohta. Burimet e policisë pohuan se zyra e hetimit të vrasjeve, mund të arrestonte së paku deri në katër persona gjatë mbrëmjes së djeshme, ndonëse hetimet kanë vijuar deri në orët e para të mëngjesit.

Përplasja
Pak javë më parë, dy grupet rivale, u përplasën në afërsi të shkollës së mesme "Sami Frashëri”, ku një grup personash mes të cilëve Denis Dollapi dhe disa të tjerë u përplasën me grupin e Rigels Rajkut. Nga përplasja mbeti i plagosur Denis Dollapi, si dhe Durim Vitrina, të dy pjesëtarë të grupeve rivale.

Ndërkaq pak kohë pas kësaj përplasjeje, palët kanë shkëmbyer replika, fyerje dhe sharje në Facebook, e madje nuk kanë munguar tonet kërcënuese mes palëve. Ndërkaq, dje palët ishin përgatitur mirë mes tyre, për një përplasje të mundshme me qëllim hakmarrjen ndaj njëri- tjetrit.

Pjesëtarët e grupit të Noyzit, apo siç quhet në jetën private, Rigels Rajku, kanë mbërritur dje pasdite për të marrë pjesë në një festival kënge, që zhvillohej në Pallatin e Kongreseve në kryeqytet. Ata kanë parkuar në krahun jugor të Pallatit automjetin e tyre të markës "Merecedez- Benz”, në ngjyrë gri me targa DR 1966 F.

Nga mjeti zbritën një nga një edhe pjesëtarët e grupit si dhe fansa të Noyzit.

Ky i fundit i bërë i njohur në rrethin e adoleshentëve vitin e kaluar me një këngë me Rozana Radin, sapo ishte larguar nga mjeti, kur në këtë drejtim është qëlluar me breshëri automatiku. Burimet thonë se ai ishte një nga personat që ishte vënë në shënjestër për t’u qëlluar nga pjesëtarët e grupit rival. Breshëritë e automatikut, nuk kapën asnjë prej personave.
Ndërkaq një patrullë e komisariatit nr.1 që ndodhej në vendin e ngjarjes, ka nisur ndjekjen e autorit të dyshuar të krimit. Sipas policisë, ai është Jetnis Dollapaj, 24 vjeç, me banim në kryeqytet. Blutë i janë kundërpërgjigjur autorit të dyshuar të krimit me zjarr.
Në këtë moment Dollapaj, ka lëshuar armën dhe ka nisur të largohet në drejtim të stadiumit "Qemal Stafa”, ku është bllokuar nga shërbimet e policisë së kryeqytetit.
Blutë kanë nisur kontrollet, e tyre në mjetin e grupit të Noyzit nga Durrësi dhe është vënë re se në bagazh, kishte sende të ndryshme të forta si shkopa bejzbolli, thika dhe sende të tjera të forta dhe të mprehta.

Stresi dhe Noyzi shoqërohen në polici
Menjëherë pasi artisti me emrin "Stresi”, Arkimed Lushaj, si dhe rivali i tij, Rigels Rajku, "Noyzi”, pak pasi kishin hyrë në sallën e Pallatit të Kongreseve, ku ata duhej të këndonin këngën e tyre për në festival, janë shoqëruar nga oficerët e Policisë së Drejtorisë së Tiranës. Të dy ata janë marrë me automjete të ndryshme të policisë dhe janë dërguar në ambientet e bluve, në drejtorinë e qarkut. Aty janë marrë në pyetje nga efektivët dhe specialistët e zyrës së hetimit të vrasjeve.

Secili prej tyre duhej të sqaronte para policisë pozicionin e vet në lidhje me ngjarjen e mësipërme si dhe shkakun e organizimit të tyre me armë të ftohta sende të forta e deri me armë zjarri.
Hetuesit pohojnë se është e ditur tashmë që palët janë në një rivalitet dhe armiqësi me njëri- tjetrin, armiqësi e cila është forcuar edhe më tepër pas plagosjes së ndodhur me 28 prill të këtij viti në rrugën e Barrikadave, pranë shkollës së mesme "Sami Frashëri”.

Bllokohen armë, shkopa bejzbolli e doreza boksi
Në vendin e ngjarjes ekspertët pas shkëmbimit të zjarrit, administruan në cilësinë e provës materiale disa gëzhoja plumbash të kalibrit 9 mm, që mendohet se i përkasin automatikut të bllokuar pak metra larg vendit të ngjarjes. Arma e zjarrit mësohet se i përket markës "PM4″, një armë e një prodhimi të vjetër. Po kështu janë bllokuar nga policia, doreza boksi, thika, dhe shkopa bejzbolli në automjetin me të cilin mbërriti Nozy.
Edhe automjeti i markës "Mercedez- Benz”, me targa TR 1966 F, është bllokuar nga policia në cilësinë e provës materiale dhe është dërguar prej uniformave blu, në pikën e bllokimit të policisë. Ndërkaq në cilësinë e provave materiale, policia ka sekuestruar edhe sende të tjera që për arsye hetimi ende nuk bëhen të ditura nga policia.

Artisti Sabri Fejzullahu bastiset në aeroport nga EULEX-i

Lixi — Wed, 26 May 2010 13:29:15 GMT

Këngëtari i mirë njohur kosovar, Sabri Fejzullahu, është bastisur të hënën në mënyrë të hollësishme ngadoganierët e EULEX-it në Aeroportin e Prishtinës, me të arritur nga Cyrihu ku kishte mbajtur disa koncerte.

Lajmin për këtë kontroll të detajuar të ish-deputetit të PDK-së, e konfirmoi për Klan Kosova, kolegu i tij nga estrada, Afrim Muqiqi.

Sipas këtij të fundit, që të dy ishin veçuar nga udhëtarët e tjerë të zakonshëm dhe pas kontrollit më të kujdesshëm, Fejzullahu ishte futur në një dhomë të veçantë për bastisje.Muqiqi, ka mohuar të jetë në dijeni për arsyet e këtij kontrolli të posaçëm, ndërsa Klan Kosova e pati të pamundur të kontaktoj edhe Fejzullahun.Ndryshe ky kontroll, ndodh pak ditë pas aksionit të EULEX-it për inspektimin e bagazhit të kryeministrit,Hashim Thaçi dhe katër ministrave para udhëtimit të tyre për në Turqi. Dyshime per Sabri Fejzullahun ka edhe me perpara , nen dyshimin se ai ka bartur disa miliona euro te ministrit Fatmir Limaj jashte vendit./www.dj-mast3r.tk

Adrian Gaxha fillon te kendoje Ilahi!

Lixi — Tue, 25 May 2010 09:59:30 GMT

"Kam filluar të këndoj ilahi, për herë të parë mora pjesë në koncertin e madh që u mbajt para një jave këtu në Shkup”, thekson këngëtari. "Ka qenë shumë interesante se askush nuk besonte që do të mar pjesë, kishte ovacione kur më panë në skenë. Ftesa më është bërë direkt nga organizatorët turk”, tregon Adriani

Disa javë më herët treguam se këngëtari Adrian Gaxha është duke pregaditur një këngë të re të titulluar "Fundin tek unë e ke” të cilës i realizon edhe një klip shumë të nxehtë për sezonin veror. Ndërkohë që kërkojmë ndjesë për shkak të një gabimi që është përvjedhur në shkrimin e kaluar ku tregojmë se këngën e fundit Adriani e realizon në gjuhën maqedone, pasi versioni të cilin e realizon këngëtari është shqip.

Përveç këtij projekti, këngëtari ka filluar të këndojë edhe "ilahi”. Javën që kaloi në Shkup është mbajtur një koncert madhështor me ilahi, ku mes shumë të ftuarve ka qenë edhe Adrian Gaxha si mysafir special. "Kam filluar të këndoj ilahi, për herë të parë mora pjesë në koncertin e madh që u mbajt para një jave këtu në Shkup”, thekson këngëtari. "Ka qenë shumë interesante se askush nuk besonte që do të mar pjesë, kishte ovacione kur më panë në skenë. Ftesa më është bërë direkt nga organizatorët turk”, tregon Adriani.

Ky manifestim organizohet çdo vit nëpër shtete të ndryshme dhe këtë vit rradha ka qenë në Maqedoni. Vitin e kaluar organizimi është mbajtur në Tiranë, ndërsa vitin tjetër pritet të mbahet në Bosnjë dhe Hercegovinë, edhe prej çdo shteti zgjedhin një këngëtarë si mysafir special i manifestimit.

Pas disa sondazheve të realizuara nga kjo organizatë në lidhje me të ftuarit special, ftesa i është dërguar këngëtarit Adrian Gaxha. Përveç Gaxhës, ka dhe shumë këngëtarë tjerë që këndojnë ilahi, disa prej tyre janë larguar definitivisht nga muzika, duke kënduar vetëm ilahi.

Flori duet me këngëtaren bullgare Alisia – [VIDEO]

Lixi — Tue, 25 May 2010 09:56:02 GMT

Një befasi e rradhës që Flori u servon fansave dhe publikut shqiptar, është dueti i realizuar me këngëtaren bulgare, Alisia. Kënga titullohet "Ne e kraia” që në shqip do të thotë "Nuk është fundi”.

Të njejtën këngë në duet Flori dhe Alisia e kanë prezentuar para publikut në Sofje. Më interesante paraqitet teksti i këngës pasi është i përzier në dy gjuhë, Flori këndon shqip kurse Alisia në bulgarisht.
KUSH ËSHTË ALISIA?

E lindur në Ihtiman, qytet në Bulgari, Alisia karierën e saj muzikore e fillon në vitin 2002 në bashkëpunim me produksionin "Ara Music”. Përveç muzikës, Alisia është e njohur edhe si valltare, ndërkohë popullaritetin më të madh e arinë pas lidhjes së saj me futbollistin bulgar Valeri Bozhinov. Ndërsa për publikun shqiptar ajo është e njohur si një ndër këngëtaret që më së shumti ka kopjuar nga muzika shqipe./ www.Dj-Mast3r.tk/

Kush është mashkulli “misterioz” që shoqëron Bubulina Krasniqin?! [Plus Foto]

Lixi — Tue, 25 May 2010 09:54:40 GMT

Dy këngë, njëra prej tyre me videoklip, janë të rejat që është munduar t’i sjellë para publikut këngëtarja, Bubulina Krasniqi. Këto dy këngë vijnë pas një kohe të gjatë që kur ajo nxori këngët e saj të fundit "Ëndrra ime” dhe "Nën kontroll”.

Njëkohësisht, Bubulina po punon edhe për albumin e saj të parë. Mësojmë se këngëtarja është dyfish e dashuruar. Përveç të dashurit të saj, që e do shumë, është e dashuruar edhe pas gardërobës.

Ndonëse ende bën pjesë tek këngëtaret që posa ka nisur të bëjë hapat e parë në muzikë, ajo vlerësohet shume për dukjen. Është e dashuruar pas veshjeve dhe jo më kot. Për të veshja nuk është vetëm shprehje personaliteti.Veshjet e Bubulina Krasniqit janë një album plot shije, ngjyra, vlera dhe stile. "Veshja për mendimin tim paraqet njëfarë pasqyrimi të jashtëm, por edhe material në të njëjtën kohë të personalitetit, finesës dhe shijeve të njeriut”, shprehet ajo, duke shtuar se edhe në jetën e përditshme ka shumë kujdes se çfarë zgjedh të vesh.

Ndërkaq, kur bëhet fjalë për paraqitje skenike, apo edhe në ndonjë mbrëmje solemne, ajo vret mendjen shumë më shumë për zgjedhjet që bën. "Veshja për mua patjetër duhet të jetë e përshtatshme, në atë mënyrë sa unë të ndihem rehat në të dhe kjo është gjëja më e rëndësishme”, duke shtuar se duhet të jetë një veshje e mirë dhe me stil, e kombinuar me kreativitet që të duket bukur. "Duhet patjetër që të ndihesh rehat në të, kjo besoj që është gjëja më e rëndësishme... Pastaj që të jetë një veshje e mirë dhe me stil i duhet të jetë e kombinuar me kreativitet që të duket bukur”. "Elementi i 5-të” quhet një ndër këngët më të reja që ka lançuar Bubulina.

Kënga ishte punuar nga Flori dhe Big Basta në Shqipëri, ndërsa klipi është xhiruar nga produksioni "Endetmedia”, ndërsa vendxhirim i klipit ka qenë një lagje në Prishtinë, Dardania. Bubulina Krasniqi, e motra e Memli Krasnqit (zëdhënës i qeverisë së Kosovës) dhe e Teuta Krasniqit (e fejuara e Bleros), tregon se ka një jetë të përditshme jo shumë të ndryshme nga ajo e njerëzve të tjerë të thjeshte.

Kohëve të fundit daljet nëpër lokale të natës ajo i shfrytëzon për të kaluar disa caste në shoqëri të të dashurit të saj. Po kush është mashkulli akoma i panjohur për publikun që shoqëron këngëtaren e re? Ne mësuam se ai quhet Visar Visoka dhe është nga Prishtina. Këngëtarja akoma nuk ka bërë publike lidhjen e saj.

Eneda Tarifa, fituese e 'Top Fest 7'!

Lixi — Tue, 25 May 2010 09:52:33 GMT

Mbremja u zhvillua ne nje atmosfere elektrizuese ne sallen e Pallatit te Kongreseve, ku publiku nuk reshti se mbeshteturi te preferuarit e tij. Nen drejtimin energjik te Ledion Licos dhe Albana Osmanit, festivali mbylli siparin e tij, por kenget e prezantuara ne kete

edicion pa diskutim qe do te vazhdojne te jene te preferuarat tuaja edhe per shume kohe, ndersa do te mund t'i shijoni ne ekranet e televizioneve muzikore dhe ne valet e radiove.

Dhe fituesja eshte... Eneda Tarifa! Spektakel i magjishem! Emocione, te papritura, duartrokitje, dritherima; ne kete atmosfere u mbyll nata finale e festivalit me te madh te muzikes moderne shqiptare 'Top Fest 7'. "Ju falenderoj te gjitheve ju, drejtuesit e festivalit, koleget e mi, kompozitorin, familjen time dhe te gjithe publikun qe me ka mbeshtetur", u shpreh Tarifa menjehere pasi mori cmimin e madh te eventit.

Mbremja u zhvillua ne nje atmosfere elektrizuese ne sallen e Pallatit te Kongreseve, ku publiku nuk reshti se mbeshteturi te preferuarit e tij. Nen drejtimin energjik te Ledion Licos dhe Albana Osmanit, festivali mbylli siparin e tij, por kenget e prezantuara ne kete edicion pa diskutim qe do te vazhdojne te jene te preferuarat tuaja edhe per shume kohe, ndersa do te mund t'i shijoni ne ekranet e televizioneve muzikore dhe ne valet e radiove.

10 cmimet e tjera

Videoklipi me i mire: Leonora Jakupi;
Best Hip Hop & R&B: Jonida Maliqi dhe Big Basta;
Cmimi Radiofonik nga Top Albania Radio: NRG Band
Cmimi i Internetit: Noizy ft Lil Coli;
Cmimi Kengetarja me e Mire Femer: Besa Kokedhima;
Cmimi Kengetari me i Mire Mashkull: Valon Shehu;
Cmimi Artisti me i Mire i Ri: XXL;
Cmimi Best Pop&Rock: Kamela;
Cmimi Grupi me i Mire: Troja;
Cmimi Interpretuesja me e Mire: Mariza Ikonomi;

Kujtohet Dritan Hoxha

Vec cmimeve te ndara mes duartrokitjeve, brohoritjeve te fansave, dritherimave, nje moment krejt i vecante shkaktoi emocione te forta jo vetem tek te pranishmit ne salle, por edhe te te gjithe teleshikuesit. Me ane te pamjeve filmike u kujtua Dritan Hoxha, njeriut qe beri historine ne median shqiptare.

Te gjithe spektatoret, te ngritur ne kembe me duartrokitje te vazhdueshme shoqeruan dhe nderuan Dritan Hoxhen, themeluesin e Top Medias, presidentin e paharruar te kesaj kompanie. Me kete rast, bashkeshortja e tij, zonja Vjollca Hoxha dha nje cmim special ne emer te Dritan Hoxhes, per fituesin e Top Fest 1, Alban Skenderajn.Kengetari, i cili nisi karrieren e tij, pikerisht ne kete festival te muzikes moderne shqiptare, falenderoi Hoxhen per besimin e treguar ndaj tij dhe shprehu te gjithe mirenjohjen per vleresimin e marre nder vite.

Me shume emocion dhe nostalgji per Dritan Hoxhen jane performuar ne skenen e Top Fest pasazhe te tre prej kengeve te tij te preferuara "Nothing Else Matters","No Leaf Clover" dhe "Show Must go on", nga Alban Skenderaj, Eugent Bushpepa, Xuxi shoqeruar nga trupa e baletit e Top Channel. Dhe te gjithe bashke nuk harrojme kurre se ...."Endrra vazhdon!".

Hakiu i BB: Gjithcka e kurdisur për të mos më çuar në finale!

Lixi — Tue, 25 May 2010 09:51:24 GMT

Do të donte të përfundonte ndryshe, por, shpesh gjërat nuk shkojnë ashtu siç i mendon. Hakiu i "Big Brother” ka dalë me shije të hidhur nga ky realiti-shou edhe pse e quan si një nga eksperiencat e tij më të bukura, të cilën do ta mbajë mend gjatë.

Sigurisht që i ka mësuar shumë gjëra kjo provojë, "më mësoi se duhet të kesh karakter të fortë, të jesh i duruar, të plotësosh vlera njerëzore e të mos shitesh, fiton shumë më shumë se sa një tufë të vogël me para”, shprehet Hakiu.

Diku i ka "dhembur” banorit nga Kosova dhe sigurisht dihet ajo që e ka prekur, ishte dalja e tij e papritur në një ballafaqim direkt në një nga javët e spektaklit të së shtunës në një duel televotimi mes tij dhe fituesit të "Big Brother”, Jetmirit, Kika u eliminua. Për këtë, ai pohon se gjithçka ishte e kurdisur që ai të mos shkonte deri në finale, se, sipas tij, po të arrinte puna deri këtu dihet që fitoren e kishte të garantuar.

E përpos emocionove të lojës, emocione të tjera shumë të bukura i ka dhuruar dhe kontakti i drejtpërdrejtë me publikun pas daljes nga shtëpia. Shumë urime dhe komplimente për pjesëmarrjen e tij në këtë realiti-shou dhe gjithçka që ai dha nga vetja.

Si ndiheni tani që u bënë ditë që keni dalë nga shtëpia e "Big Brother”?
Ndihem shkëlqyeshëm pas daljes nga shtëpia e "BB”. Kam shumë gjëra të bukura që me rrethojnë gjithandej. Pastaj fakti që mund të lëvizesh i lirë, të bën të ndihesh si zogu.

Si ishte për ju kjo eksperiencë?
Interesante. Kishte gjëra me të cilat nuk isha ndeshur më përpara, siç ishin njerëzit që i takova për herë të parë e që vinin nga kultura me nivele të ndryshme, ambienti i ri, ato provat e javës në shtëpi, debatet, ballafaqimet me situata të ndryshme që në jetën jashtë nuk isha ndeshur. Të gjitha këto e bëjnë këtë eksperiencë interesante.

Mendoni se ia ka vlejtur, apo jeni penduar?
Për mua ia ka vlejtur për shumë gjëra. Gjithmonë i peshoj gjërat përpara se t’i bëj, prandaj nuk pendohem. Përveçse një eksperiencë interesante, "BB” më ka hapur dyert për shumë gjëra tjera që më presin në jetë. Në një reality si ky është vështirë të fitosh atë që kam fituar unë. Ky format ka treguar se nuk i çmon vlerat, mirëpo unë ia dola që me vlerat e mija t’i bëj për vete miliona shqiptarë, prandaj sigurisht që ia ka vlejtur.

Çfarë të mësoi më shumë qëndrimi në "Big Brother”?
Më forcoi mendimin se bota është e egër, se gjithçka sillet rreth interesit, se njerëzit shiten dhe bëhen vegla të të tjerëve, por edhe një gjë tjetër… Më mësoi se të kesh karakter të fortë, të jesh i duruar, të plasosh vlera njerëzore e të mos shitesh, fiton shumë më shumë se sa një tufë të vogël me para. Kjo është ajo për të cilën unë kam luftuar dhe dola triumfues. Të gjithë më shohin me admirim, më përgëzojnë dhe falënderojnë për emocionet që u kam dhënë.

Po ju çfarë i dhatë këtij realiti-shou?
Mbi të gjitha dinjitet, kulturë, edukatë e kreativitet. Unë jam ai që këtij shou i dhashë nivel, jo vetëm intelektual, por mbi të gjitha njerëzor. Mirëpo, rezultoi se ata që qëndrojnë pas këtij shou vetëm këtë nivel nuk e duan.

Është diskutuar shumë dalja juaj, ishte shumë e papritur. Ju vetë si e pritët këtë?
Ishte e papritur edhe për mua, por siç e keni parë e kam pritur me shumë qetësi. Unë isha shumë i qetë më atë çfarë kisha dhënë, prandaj kishte kohë që u kisha thënë edhe banorëve se edhe po të dal s’ka problem. Askush nuk e ka pritur largimin tim. Të gjithë ishin shokuar dhe madje as që besonin. Mirëpo, mua me kishin nxjerr dhe ky ishte realiteti. U pajtova më këtë, por nuk do të pajtohem kurrë më idenë se mua më nxori publiku. Cili publik me nxori, kur miliona njerëz i kisha dhe i kam pas. Të gjithë më thonë një gjë; je më i miri i të tre edicioneve, na e ke zbardhur fytyrën, nuk të nxori populli, je 1-shi, faleminderit për emocionet që na ke dhënë. Pas gjithë kësaj e kuptova se gëzoja shumë popullaritet dhe u binda se gjithçka ishte kurdisur për të mos më çuar në finale, sepse atëherë isha fitues absolut. Mirëpo, mua nuk me lejuan të ikja në finale, sepse marrëveshjet e ndarjes së lekëve ishin bërë kohë më parë.

Haki, ishte "Big Brother” një vend për të bërë miqësi?
Jo, por unë jam i prirur të krijoj miqësi edhe në një ambient të tillë. Mund ta kesh rival tjetrin, por edhe ta bësh mik. Nuk jam i prirur që pas një debati të ashpër me dikë, t’i mbaj hundët përpjetë e të mos flas. Përkundrazi, miqësitë më të forta krijohen pikërisht më ata që ke debate apo kundërshtime.

Me cilët nga banorët mendoni se do të mund të mbani kontakte edhe më vonë?
Unë jam i hapur për të gjithë. Kur më ka lindur nëna, më lindi me zemër të madhe.

Ju kanë akuzuar se gjatë qëndrimit në shtëpi ishit në rol dhe ishit aktor sa e vërtetë është kjo?
Kjo ishte një nga mënyrat e ulëta për të më luftuar. Ata që më kanë njohur jashtë më kanë njohur ashtu siç me keni parë, i thjeshtë, i natyrshëm i komunikueshëm. Banorët që patën rastin të më njohin edhe jashtë shtëpisë, më thanë se isha njësoj. Kush dyshon që unë e paskam bërë aktorin le te vijë të më njohë për vetëm 1 orë, e do ta kuptojë, isha unë apo dikush tjetër. Niveli i banorëve për të më luftuar ishte i ulët, prandaj nuk dola nga lufta që më bënë ata, e as nga votat e publikut. Dola, sepse tjetri ishte shitur në forma të ndryshme, gjë që unë nuk do ta bëja kurrë. Isha unë aty brenda dhe jo dikush tjetër. Kikën që e keni parë për 3 muaj do ta shihni njësoj për gjithë jetën.

Ky "Big Brother” për ty ka përfunduar me hatër mbetje për ndokënd aty brenda apo ishte thjeshtë një lojë?
Ishte një lojë që përfundoi edhe me hatër mbetje, sepse u bë lojë e pistë jo vetëm nga banorët.
Në atë realiti-shou u futet për lekë apo për tu bërë i njohur dhe për të pasur mundësi të tjera në jetë?
Për mua lekët ishin të fundit edhe pse secili i dëshiron për një qëllim ose tjetër. Unë kam demonstruar atë që kam synuar në këtë realiti-shou. Sot, dyert i kam të hapura më shumë se gjithë të tjerët dhe lekët vijnë vetë.

Shumë prej banorëve që kanë dalë nga shtëpia u kanë ardhur oferta të reja pune, ka ndodhur kjo me ju, keni pasur ndonjë ofertë?
Tani vetëm më duhet të pushoj e më pas të reflektoj se çfarë dua nga jeta.

Sikur t’ju ofrohej një punë në Shqipëri dhe t’ju kërkohej të qëndronit këtu, do ta bënit?
Kam edhe të tilla oferta. T’ia lëmë kohës.

Jeni dakord me fitoren e Jetmirit dhe pse?
Po, jam dakord. Jetmiri fitoi atë që meritoi. Një pjesë të lekëve, ashtu siç ishte marrë vesh qysh në fillim. Ai tregoi se është njëri që blihet lirë dhe sigurisht që një fitore të tillë e meritoi. Ai fitoi një pjesë të lekëve me mbeshtjellura me pisllëk që e keni parë vetë, por ajo që nuk e keni parë është akoma më e pistë e që do ta kuptoni shumë shpejt. Jetmiri është karakter lehtë i manipulueshëm, e blen për një qindarkë edhe pse bën sikur i di gjërat. Tani ka filluar ta bëjë edhe djalin e kulturuar e që nuk do ta arrijë ta bëjë kurrë. Me lekët që ka marrë nuk do t’i mjaftojnë të paguajë as kurse edukimi, sepse atij i duhet të marrë edukatë gjithë jetën.

Si e priti familja daljen tuaj, fëmijët?
Shumë mirë. Ishim të gjithë të mallëngjyer. Tani po kalojmë sa më shumë kohë me njëri-tjetrin, për ta kompensuar kohën e humbur.

Top 10 destinacionet turistike të 2010-s!

Lixi — Mon, 24 May 2010 09:28:38 GMT

Ka shumë vende që ofrojnë për turistët komoditet dhe argëtim, me çmime të favorshme. 2010-a do të jetë një vit i mbarë për të gjitha ato vende që do të zbatojnë projekte turistike. Më poshtë po rendisim 10 destinacionet që pritet të tërheqin më shumë vizitorë

Kolumbia
Është në vendin e parë të destinacioneve. E njohur si qendra e karteleve të kokainës të Amerikës së Jugut, tashmë ka ndryshuar. Kryeqyteti, Bogotá, ka shumë gjëra me të cilat tërheq vizitorët, nga kultura mikse tek aktivitetet dhe relaksi me çmime shumë ekonomike.

Janë hapur shumë hotele dhe restorante të reja me cilësi të lartë. Në këtë qytet mund të gjeni parqe, muze, vlera historike, dyqane, klube, plazhe që nuk duhen humbur.
India
Toka e shumë gjuhëve dhe e diversitetit kulturor. India njihet për historinë dhe kulturën e saj. Qytetet gumëzhijnë nga festivalet tradicionale dhe nga eventet kulturore. India do të jetë pritëse e Lojërave Botërore të Komonuelthit në tetor të këtij viti. Për të mirëpritur vizitorët, India do të rinovojë transportin, hotelet, restorantet. Qeveria ka menduar që gjuha bazë e komunikimit të çdo punonjësi të jetë anglishtja.

Zelanda e Re
Nuk do të mund të ndiheni inferiorë nga argëtimet e shumta që ofron ky vend. Si në verë ashtu edhe në dimër do të gjeni mundësinë për të bërë shumë sporte, si sërf, ngjitje, ski etj. Eko-turizmi dhe ai i aventurës ofron kushte luksoze, mundësi për të bërë pazar dhe jetë nate që të lë pa frymë.

Nepali
Përveç të qenit një vend me një kulturë të pasur, me faltore, tempuj, pallate, Nepali është një destinacion i hapur edhe për biznesin e turizmit. Pavarësisht se në vend ka pasiguri politike, rajoni Annapurna nuk duhet të mos vizitohet, po kështu edhe mali Everest për ngjitje. Turistët tërhiqen edhe nga liqeni Pokara, si dhe nga kafshët e mrekullueshme, si njëbrirëshi apo edhe tigri i Bengalit. Himalajet janë një nga tërheqjet më të mëdha të Nepalit.

Afrika e Jugut
Do të jetë epiqendra e turizmit për këtë vit, për shkak se vendi është pritës i Kupës Botërore të Futbollit. Cape Toën, qyteti më i bukur në Afrikën e Jugut, është "shtëpia” e shumë vizitorëve. Ofron komoditet të sigurt dhe mikpritës. Pas ndeshjes ju mund të vizitoni plazhet me rërën e bardhë të mrekullueshme. Qyteti Ubuntu, gjithashtu, do të ofrojë akomodim për tifozët.

Mozambiku
Pas njëzet dekadave me luftë civile, më në fund Mozambiku po bëhet pjesë e hartave turistike. Ky vend njihet për brezat detarë tropikalë dhe për arkipelagët. Është një vend i mrekullueshëm për kredhje në ujë dhe peshkim. Rëra e artë dhe ujërat e bruzta janë kthyer në një destinacion idilik për turistët. Duhet vetëm pak orë nga Nelspruit (qytet i Afrikës së Jugut) në kryeqytetin e Mozambikut, Maputo.

Suedia
Në kuptimin e vërtetë të fjalës, kryeqyteti i Suedisë, Stokholmi, mund të quhet si qyteti më eko-miqësor. Qyteti është i rrethuar nga 14 ishuj. Arkitektura e veçantë, gjelbërimi, mirëpritja dhe mirësjellja e bëjnë këtë qytet të admiruar nga vizitorët. Rrugët janë shumë të pastra, ndotja nga gazrat është 50% më e ulët se në çdo vend tjetër të Europës.

Kroacia
Është një nga shtetet europiane që po ndriçon gjithnjë e më shumë. Njihet për prodhimin e famshëm të verës dhe numrin e madh të hoteleve, restoranteve dhe plazheve të reja.
Njihet për Festivalin e Karnavaleve që zhvillohet në shkurt.

Turqia
Është një destinacion që ofron një sërë aktivitetesh. Një nga ngjarjet më kryesore është FIFA, që organizohet nga data 28 gusht deri më 12 shtator. Përpara kësaj ngjarjeje do të ketë shumë aktivitete si festivale, ngjarje tradicionale, galeri artistike etj.
Nuk duhet të harroni të vizitoni ishullin e Princit. Është shumë interesant, pasi do të udhëtoni me kalë ose do të ecni. Turqia ofron plazhe të mrekullueshme.

Dubai
Si mund të mos vizitoni "miss Burj Dubai” në Dubai. Kjo qendër është përuruar në fillimin e muajit janar. Është godina më e lartë në botë dhe është krenaria e Dubait. Një tjetër destinacion fantastik është edhe Abu Dhabi. Është qyteti më i shtrenjtë i Emirateve të Bashkuara. Ofron një sërë argëtimesh dhe mund të vizitoni pallatet mbretërore.

Lorik Cana do të transferohet në Arsenal?!

Lixi — Sun, 23 May 2010 16:55:35 GMT

Aventura e Lorik Canes te Sanderlendi mund te perfundoje vetem pas nje sezoni. Kjo, per shkak se mesfushori shqiptar ka shanse te medha qe gjate merkatos se veres te transferohet te nje prej klubeve me te medha ne Angli: Arsenali.

Paraqitjet e shkelqyera te 27-vjeçarit me "macet e zeza” gjate sezonit qe sapo perfundoi, kane bere qe trajneri Arsen Venger te interesohet serish per sherbimet e tij. Aktivizimi ne "Stadiumin e Drites” ishte nje prove te cilen Cana e kaloi me sukses dhe tashme ai ka shansin te luaje per nje nga "big four” ne Premiership.

"Gjate kesaj vere ka shume mundesi qe te transferohem tek Arsenali”, deklaroi zv.kapiteni i perfaqesueses kuqezi. "Se fundmi, drejtuesit e ‘topçinjve’ kane shfaqur serish interes per mua. Duhet te presim oferten konkrete dhe qe Arsenali te gjeje akordin me Sanderlendin, klubin qe zoteron kartonin tim”. Rreth aventures ne ishull, ai shtoi: "Ne aspektin personal jam i kenaqur, pasi kam zhvilluar nje sezon pozitiv me Sanderlendin.

Natyrisht qe do te deshiroja nje vend me te larte ne klasifikim, megjithate futbolli ne Angli eshte mjaft i forte dhe ka shume rivalitet”. Per sa i takon Kombetares dhe dy miqesoreve me Malin e Zi, me 25 maj ne Podgorice dhe Andorren, me 2 qershor ne Tirane, Cana tha: "Mendoj se keto dy ndeshje jane mjaft te rendesishme per perfaqesuesen tone ne kuader te eliminatoreve te Euro 2012.Trajneri do te vezhgoje formen e lojtareve, do te testoje disa elemente te rinj dhe mbi te gjitha do te krijoje nje ide per skemat e lojes qe do te perdoren ne dy sfidat e para kualifikuese kunder Rumanise dhe Luksemburgut”.

Gjate dites se djeshme, 26 futbollistet e grumbulluar nga Josip Kuzhe kane zhvilluar dy seanca stervitore ne fshatin Luz. Me ekipin eshte bashkuar edhe mbrojtesi i Arisit, Kristi Vangjeli. Korçari, i cili ka probleme ne gju, se bashku me Edmond Kapllanin, qe ka pesuar nje demtim ne kavilje, zhvilluan stervitje te diferencuar

Demi godet ne fyt toreadorin Aparicio! [Video dhe foto exluzive]

Lixi — Sun, 23 May 2010 16:52:26 GMT

41 vjecari menjehere pas incidentit eshte cuar ne spital dhe pas gjashte ore nderhyrje kirurgjikale eshte jashte rrezikut per jeten. Nje skene shokuese per 20 mije spektatoret ne arenen e Las Ventas ne Madrid.

Nje incident i tmerrshem ne arene: nje dem i ka futur me egersi toreadorit Julio Aparicio, bririn e djathte ne gryke duke ia nxjerre nga goja.41 vjecari menjehere pas incidentit eshte cuar ne spital dhe pas gjashte ore nderhyrje kirurgjikale eshte jashte rrezikut per jeten.

Nje skene shokuese per 20 mije spektatoret ne arenen e Las Ventas ne Madrid.Toreadori eshte rrezuar paritur dhe eshte gjetur ne toke, kur "Opíparo”, nje dem 530 kilograme, e plagosi rende.Menjehere pas incidentit kane nderhyre toreadoret e tjere qe kane mundur te evitojne demtimin e metejshem te 41 vjecarit. Me poshte keni foto dhe videon shokuese te kesaj ngjarje te pazakoneshme. /www.dj-mast3r.tk/